Бугун, 19-октябрь куни Қирғизистон футбол кубогининг ярим финал учрашувлари бўлиб ўтди. Унинг доирасида Ўшнинг «Олай» жамоаси Қўчқоротанинг «Нефтчи» жамоасига қарши майдонга тушди. Ўйиннинг асосий вақтида жамоалар 1: 1 ҳисобида дуранг ўйнашди ва пенальтилар сериясида 5: 3 ҳисобида «Олай» жамоасининг ғалабаси билан якунланди.
Айтганча, Қирғизистон футбол кубогининг финал учрашуви 22-октябрь куни бўлиб ўтади. Унда «Олай» жамоаси Қантнинг «Абдиш-Ата» жамоаси билан ўйнайди.
